Më shumë se 100 palestinezë u vranë dhe shumë të tjerë u plagosën në sulmin izraelit me raketa në kampin e refugjatëve Jabalia në Rripin e Gazës të shtunën ndërsa shumë ende janë të zhdukur nën rrënojat e një ndërtese banimi të shembur, transmeton Anadolu.
“Më shumë se 100 palestinezë u vranë të shtunën në një masakër të re nga forcat pushtuese izraelite në kampin e refugjatëve Jabalia në Rripin qendror të Gazës”, njoftoi agjencia zyrtare palestineze e lajmeve Wafa.
Thuhet se ndërtesa e banimit të familjes Obaid në kampin Jabalia ishte shënjestër e një sulmi me raketa, në të cilin dhjetëra u plagosën dhe shumë janë të zhdukur nën rrënoja.
Ushtria izraelite rifilloi sulmet e rënda në të gjithë Rripin e Gazës të premten herët pas përfundimit të pauzës humanitare dhe të paktën 193 palestinezë janë vrarë dhe 652 janë plagosur që atëherë, sipas Ministrisë së Shëndetësisë së Gazës.
