Të paktën 437 fëmijë ukrainas janë vrarë si rezultat i luftës se Rusisë në Ukrainë, ka thënë të shtunën zyra e Prokurorit të Përgjithshëm të Ukrainës.
Më shumë se 837 fëmijë janë plagosur gjithashtu sipas një raporti që zyrtarët thanë se ishte “jo përfundimtar” sepse ata ende po verifikonin informacionin nga zonat e luftimeve aktive, zonat e çliruara dhe territori ende i pushtuar nga forcat ruse, raportoi Reuters.
Rajoni lindor i Donetskut është më i prekuri, me 423 fëmijë të vrarë ose të plagosur, tha zyra e prokurorit.
Kombet e Bashkuara kanë thënë se të paktën 16,295 civilë janë vrarë që nga nisja e luftës, më 24 shkurt, të cilën Kievi dhe udhëheqësit perëndimorë e kanë denoncuar si një akt agresioni të paprovokuar.
Moska mohon të ketë shënjestruar civilët. /koha
