Numri pritet të rritet pasi shumë preferojnë të kryejnë umren gjatë muajit të shenjtë.
Mbi 9 milionë haxhinj kanë kryer Umren gjatë 10 ditëve të para të muajit të shenjtë të Ramazanit.
Gulf News ka raportuar se numri i haxhinjve që u drejtuan për t’u falur dhe kryer umren në Xhaminë e Madhe të Arabisë Saudite arriti në 9.35 milionë që nga fillimi i Ramazanit.
Numri i tyre pritet të rritet pasi shumë preferojnë të kryejnë ritualet e Umres gjatë muajit të shenjtë – veçanërisht 10 ditët e fundit të Ramazanit.
Ndryshe nga Haxhi, Umra mund të kryhet në çdo kohë të vitit.
Arabia Saudite njoftoi se janë vendosur disa programe dhe masa për të ndihmuar haxhinjtë të kryejnë Umren në kushtet më të mira.
“Kryesia e Përgjithshme e Çështjeve të Dy Xhamive të Shenjta nisi një iniciativë të re të enjten, të quajtur ‘Më pyet mua’, për të udhëzuar vizitorët dhe për t’i informuar ata rreth zonave të caktuara për adhurim,” raportoi National.
Arabia Saudite pritet të presë miliona haxhinj për të kryer Haxhin në fund të këtij viti.
“Numri i pelegrinëve do të kthehet në atë që ishte para pandemisë pa asnjë kufizim moshe,” tha Ministria Saudite e Umres dhe Haxhit në janar.
Arabia Saudite hoqi kufizimet e COVID për kandidatët për haxhinjtë, duke përfshirë vërtetimin e detyrueshëm të vaksinimit dhe PCR.
Numri i pasuesve të Haxhit arriti në 2.5 milionë para kufizimeve të vendosura nga pandemia COVID-19. /mesazhi
