Më shumë se një milion persona janë prekur nga përmbytjet e rënda në shtetin Assam, në verilindje të Indisë, pas shirave të fuqishëm të musoneve që kanë shkaktuar përmbytje të mëdha.
Mijëra banorë janë detyruar të largohen nga shtëpitë e tyre që nga muaji korrik, ndërsa zonat e prekura përballen me dëme të mëdha në banesa, infrastrukturë dhe bujqësi.
Assam është ndër rajonet më të goditura nga kjo fatkeqësi natyrore. Autoritetet kanë raportuar të paktën 87 persona të vdekur si pasojë e përmbytjeve, ndërsa ekipet e shpëtimit dhe autoritetet lokale po vazhdojnë operacionet për ndihmë ndaj banorëve të prekur. /mesazhi
