RTV AHIRETI
LajmeRajon dhe Botë

Mbrojtja Civile në Gaza: Mijëra dëshmorë ende janë nën rrënoja dhe nuk mund t’i nxjerrim

mbrojtja-civile-ne-gaza:-mijera-deshmore-ende-jane-nen-rrenoja-dhe-nuk-mund-t’i-nxjerrim

Njësia e Mbrojtjes Civile në Rripin e Gazës njoftoi se mijëra të vrarë ende janë nën rrënojat e ndërtesave të shembura si pasojë e sulmeve izraelite dhe nuk mund t’i nxjerrin trupat për shkak të bombardimeve të vazhdueshme dhe mungesës së pajisjeve, transmeton Anadolu.

Zëdhënësi i Njësisë së Mbrojtjes Civile, Mahmoud Basal në një deklaratë me shkrim të publikuar nga Ministria e Brendshme në Gaza tha se Izraeli shënjestron vazhdimisht ekipet e Mbrojtjes Civile në sulmet kundër Rripit të Gazës që nga 7 tetori e deri më tani.

“Mijëra dëshmorë ende janë nën rrënoja dhe nuk mund t’i nxjerrim ata. Ka mangësi të qarta dhe të mëdha në aftësitë dhe mekanizmat tanë. Nuk mund të mbërrijmë te trupat që janë nën rrënoja në pjesën veriore të Rripit të Gazës”, deklaroi Basal.

Ai tha se kanë përsëritur thirrjen e tyre për aktivizimin e ekipeve dhe mekanizmave që do të mbështesin ekipet e Mbrojtjes Civile në Gaza. “Ekipet tona janë bërë objektiv i vazhdueshëm i bombardimeve izraelite”, theksoi Basal.

Related posts

Siguria ushqimore pjesë e fjalimit të Presidentit Biden në OKB

admin

Anija e parë e ngarkuar me grurin ukrainas mbërrin në hyrjen e ngushticës së Stambollit në Detin e Zi – VIDEO

admin

Gjukanoviq: Situata në Ballkan sot është më e keqe se gjashtë vjet më parë

admin