RTV AHIRETI
LajmeRajon dhe Botë

Më shumë se 320 mijë refugjatë ukrainas në Çeki

me-shume-se-320-mije-refugjate-ukrainas-ne-ceki

Më shumë se 325.000 refugjatë të luftës nga Ukraina, me status të mbrojtur, janë aktualisht në Çeki, ka thënë Ministria e Brendshme e këtij shteti të mërkurën.

Ata që kanë dëshiruar të qëndrojnë në këtë shtet të Bashkimit Evropian, është dashur të regjistrohen në mënyrë elektronike deri në fund të marsit, ka thënë kjo ministri.

Rezultatet kanë qenë në linjë me vlerësimet paraprake, është thënë në njoftim.

Rreth 28 për qind e atyre që kanë kërkuar mbrojtje janë fëmijë, derisa 4 për qind janë të moshuar.

Në mesin e të rriturve, shumica janë gra.

Pjesa më e madhe e refugjatëve është thënë se janë duke qëndruar në Pragë, Bërno dhe Pëllzen.

Në regjistrimin e fundit të popullsisë, Çekia i ka pasur rreth 10.5 milionë banorë.

Prej nisjes së luftës në Ukrainë, më 24 shkurt 2022, mbi gjysmë milioni ukrainas kanë kërkuar mbrojtje të përkohshme në Çeki.

Kjo nënkupton se prej atëherë, rreth një e treta e tyre janë kthyer në shtëpitë e tyre, ose janë nisur për në shtete tjera.

Ndërkohë, Ministria e Transportit në këtë shtet, ka bërë të ditur se planifikon t’i regjistrojë të gjitha makinat ukrainase për një periudhë më të gjatë kohore.

Në të ardhmen, pronari i makinës do të mund të identifikohet vetëm në bazë në tabelës me numrin e regjistrimit.

Ky vendim është marrë, pasi autoritetet kanë thënë se nuk janë duke mundur që të gjobisin vozitësit ukrainas, sidomos lidhur me parkingjet.

Presidenti rus, Vladimir Putin, e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

Related posts

Përmbytjet në Pakistan, qeveria shpall emergjencë kombëtare

admin

Kina: Realizimi i armëpushimit në Gaza mbetet “prioritet absolut”

rezart morina

Ministri francez: Mbi 500 shkolla janë nën vëzhgim për ndalimin e abayas tek nxënëset myslimane

rezart morina