Përqendrimi i pushtetit në duart e presidentit tunizian Kais Saied ka nxjerrë në protesta mijëra qytetarë. Ata e cilësuan pushtetin e presidentit si regjim të rrezikshëm. Mes forcave të shumta të policisë, protestuesit mbushën rrugët e kryeqytetit me pankarta në duar e thirrje kundër kreut të shtetit.
Mijëra protestues kundër presidentit kanë mbushur rrugët e kryeqytetit tunizian në datën që shënon 12 vjetorin e demokracisë.
Sipas tyre vendit gjithnjë e më shumë po i rrezikohet demokracia për shkak të përqendrimit të të gjitha pushteteve në duart e kreut të shtetit Kais Saied.
Ajo që vërehej ishte edhe prezenca e lartë e forcave të policisë për të siguruar se protestuesit nuk do të cënojnë sigurinë e institucioneve, por pavarërisht kësaj përplasjet nuk janë shmangur.
Pjesëmarrësit në tubim tentuan të çajnë kordonin e policisë përpara Ministrisë së Brendshme.
Në rrugën qendrore të Tunis, Habib Bourguiba nga ku bërtitën largimin e Zine El Abidine Ben Ali 12 vite më parë, këtë të shtunë me mijëra protestues që valëvitnin flamuj tunizianë kërkuan rënien e asaj që e cilësojnë regjimi i Kais Saied.
“Tunizia po kalon periudhën më të rrezikshme në të gjithë historinë e saj. Saied goditi demokracinë. Ekonomia është në kolaps prandaj ne nuk do të heshtim” tha një protestues.
Pjesë e protestës u bënë edhe disa parti opozitare në vend, të cilat u ndaluan të marshonin pranë pallatit presidencial në Kartagjenë. /oranews
#Tunisia: Protests have erupted in Tunis today on the 12th anniversary of the 2011 Tunisian revolution often cited as the beginning of the Arab Spring. Protesters called for an end to the rule of Kais Saied, Tunisia’s notoriously authoritarian president.
(via @thomasvlinge) pic.twitter.com/DAhLMxWsG6
— POPULAR FRONT (@PopularFront_) January 15, 2023
