Mijëra njerëz në Somalilandin gjysmautonom të Somalisë po përballen me krizë buke për shkak se rajoni po përjeton thatësinë më të madhe në dekadat e fundit.
Pasojat e motit të thatë janë përshkallëzuar nga pasojat ekonomike nga pandemia e koronavirusit, si dhe nga pushtimi i Ukrainës nga Rusia. Këta faktorë e kanë rritur çmimin e drithit, duke shkaktuar uri të përhapur në të gjithë Somalilandin, i cili 90% të importeve të drithit i siguron nga Rusia dhe Ukraina.
Në qytetin Mandera, nëna 17-vjeçare Deeka udhëtoi 643 kilometra për trajtim mjekësor të djalit të saj dymuajsh të kequshqyer.
Atje, doktor Abdul Rahman Abdulahi, i tha transmetuesit britanik Sky News se kishte frikë nëse nuk do të ketë së shpejti reshje, sepse gjithnjë e më shumë po rritet numri i fëmijëve që u rrezikohet jeta nga mungesa e ushqimit. /koha
