Ministri i Arsimit i Francës, Gabriel Attal, ka deklaruar se ata nuk bëjnë dallime mes nxënësve bazuar në fenë e tyre, raporton Anadolu.
Attal tha se ai e merr përsipër plotësisht vendimin e tij për të ndaluar veshjet ‘abaya’ dhe ‘qamis’ në ndërtesat e shkollave, duke kujtuar se është në kuadër të ligjit të vitit 2004.
“Rregullorja e Këshillit të Shtetit mbi një apel kundër vendimit tim konfirmoi se unë kërkova vetëm të respektohej ligji në të gjitha ndërtesat e shkollave”, tha Attal për Anadolu në margjinat e një takimi në Paris të Organizatës për Bashkëpunim Ekonomik dhe Zhvillim (OECD).
“Unë nuk mendoj se çështja ‘abaya’-s është një temë e ekstremit të djathtë. Unë mendoj se të gjithë francezët, përfshirë ata nga e majta, i përmbahen sekularizmit. Ne nuk bëjmë dallime midis nxënësve bazuar në fenë e tyre”, tha Attal.
Ndalimi i veshjes ‘abaya’ në shkolla
Muajin e kaluar, Attal njoftoi ndalimin e veshjes ‘ataya’, mantelit të bardhë të gjerë të gjatë të veshur nga disa gra muslimane, vendim që hyri në fuqi nga 4 shtatori me fillimin e semestrit të ri shkollor.
Pavarësisht rregullit të ri, tha Attal, 298 nxënës mbërritën në shkolla në rajone të ndryshme të vendit të veshur me ‘abaya’ dhe 67 prej tyre refuzuan të heqin dorë nga veshjet e tyre.
Veprimi për të Drejtat e Muslimanëve (ADM), një grup për të drejtat e muslimanëve, paraqiti një apel në Këshillin e Shtetit për të kërkuar pezullimin e ndalimit të veshjes ‘abaya’, për të cilën thotë se shkel “disa liri themelore”.
