Presidenti i Turqisë, Recep Tayyip Erdoğan, i ka shprehur ngushëllimet kreut të Këshillit Presidencial të Libisë, Mohammed al-Manfi, për përmbytjet vdekjeprurëse në vendin e Afrikës Veriore, transmeton Anadolu.
Në një telefonatë, njoftoi Drejtoria e Komunikimeve e Turqisë, presidenti turk i tha kreut të Këshillit Presidencual të Libisë se Turqia qëndron gjithmonë pranë popullit “miqësor dhe vëllazëror” libian në “luftën e tyre kundër fatkeqësisë” dhe se ndihma e Ankarasë do të vazhdojë.
Më herët, presidenti Erdoğan tha se Turqia deri më tani ka dërguar në Libi tre aeroplanë mallrash me ndihmë.
“Qëllimi ynë është të sigurohemi që plagët e Libisë të shërohen sa më parë”, tha Erdoğan.
Sipas autoriteteve lokale, numri i të vdekurve nga përmbytjet shkatërruese në qytetin Derna të Libisë lindore është rritur në të paktën 5.200.
Autoritetet në Libinë lindore theksuan se presin që numri i vdekjeve në Derna do të rritet në mbi 10 mijë mes dëmtimeve masive në infrastrukturën e qytetit.
1982 Yerine 2023 Anayasası Sempozyumuhttps://t.co/6liAQqXGOb
— Recep Tayyip Erdoğan (@RTErdogan) September 12, 2023
