Ministri i Jashtëm francez Jean-Noel Barrot ndodhet në Liban.
Ai është diplomati i parë i huaj i lartë që viziton vendin që kur Izraeli i shtoi sulmet e tij një javë më parë.
Ai u takua me kryeministrin Najib Mikati pasi mbërriti të dielën mbrëma dhe tha se Parisi kërkonte “një ndalim të menjëhershëm” të sulmeve izraelite.
Barrot do të takohet me koordinatorin e posaçëm të OKB-së për Libanin dhe anëtarët e forcës paqeruajtëse të OKB-së në jug. Ai mbërriti menjëherë pasi Franca konfirmoi se një shtetas i dytë francez ishte vrarë në Liban. /mesazhi
