Ministri i Mbrojtjes i Turqisë, Hulusi Akar, tha se çdo kërcënim apo provokim kundër Turqisë dhe Azerbajxhanit është i drejtuar kundër të dy vendeve, raporton Anadolu Agency (AA).
Ministri Akar përshëndeti marrëdhëniet e forta midis dy vendeve në një stërvitje të përbashkët të marinës të quajtur “Grushti vëllazëror”.
“Miku për njërin prej nesh është mik i tjetrit dhe armiku është armik për ne të dy. Nuk duhet të ketë asnjë dyshim për këtë”, shtoi ai.
Akar ishte i shoqëruar nga komandantët e lartë, duke përfshirë Shefin e Shtabit të Përgjithshëm, gjeneralin Yaşar Güler, si dhe komandantët e forcave tokësore, detare dhe ajrore, të cilët vëzhguan stërvitjen ushtarake që po zhvillohet në Baku.
Duke theksuar se bota dhe rajoni po kalon një epokë me pasiguri të shtuar, rreziqe dhe kërcënime në rritje, Akar u shpreh se “garantimi i sigurisë së vendeve dhe kombit tonë është i mundur vetëm nëse kemi një ushtri efektive, parandaluese dhe të respektuar në këtë periudhë kritike”.
“Të gjithë duhet të kuptojnë se rajoni nuk ka më nevojë për një të ardhme të ndërtuar mbi konflikte, mëri dhe urrejtje, por një të ardhme të ndërtuar mbi zhvillimin e ndërsjellë, respektimin e ligjit ndërkombëtar dhe marrëdhëniet miqësore”, shtoi ai.
Akar u bëri thirrje të gjithëve të mbështesin përpjekjet e liderëve të Turqisë dhe Azerbajxhanit për paqe dhe qetësi të përhershme, ndërsa i kërkoi Armenisë që të shtrëngojë dorën e zgjatur nga Turqia dhe Azerbajxhani.
“Është dëshira jonë e sinqertë që Armenia të shtrëngojë dorën e paqes të shtrirë nga Turqia dhe Azerbajxhani. Ne mbështesim përpjekjet e sinqerta për të vendosur paqe të qëndrueshme midis Azerbajxhanit dhe Armenisë”, shtoi ai.
Lidhur me stërvitjen ushtarake, kreu i mbrojtjes turke vuri në dukje se stërvitje të tilla të përbashkëta ushtarake “maksimizojnë aftësinë e ushtrive për të punuar së bashku, për t’u koordinuar dhe përgatitur për (kërcënim të mundshëm) lufte”.
Ushtritë e dy vendeve në përputhje me marrëveshjen për bashkëpunimin ushtarak, dje filluan një stërvitje të përbashkët ushtarake.
“Stërvitjet në të cilat marrin pjesë personel ushtarak i llojeve të ndryshme, pajisjeve luftarake dhe pajisjeve speciale inxhinierike, si dhe automjetet e aviacionit ushtarak të Ushtrisë së Azerbajxhanit dhe Forcave të Armatosura Turke, po mbahen në Baku, si dhe në territoret e rajoneve Astara, Jabrayil dhe Imishli”, thuhet në një deklaratë të Ministrisë së Mbrojtjes të Azerbajxhanit.
– Korridori i Zangezurit
Lidhur me korridorin e Zangezurit, Akar tha: “Është dëshira jonë më e sinqertë për të rivendosur lidhjet hekurudhore dhe rrugore në rajon, veçanërisht hapjen e korridorit të Zangezurit, për të filluar aktivitetet ekonomike dhe për të siguruar një normalizim gjithëpërfshirës në të gjithë rajonin, duke përfshirë marrëdhëniet midis Azerbajxhanit-Armenisë dhe Türkiyes-Armenisë”.
“Kështu, ne besojmë se rajoni i Kaukazit do të përparojë në mënyrë paqësore dhe të sigurt drejt së ardhmes”, shtoi ai.
Rajoni Zangezur ishte pjesë e Azerbajxhanit, por sovjetikët ia dhanë atë Armenisë në vitet 1920-ta, duke e lënë Azerbajxhanin të privuar nga rruga e tij e drejtpërdrejtë tokësore për në rajonin Nakhchivan.
Pas një konflikti 44-ditor midis Azerbajxhanit dhe Armenisë në shtator 2020, Baku çliroi shumë qytete, fshatra dhe vendbanime në Karabak nga pushtimi armen, konflikt i cili përfundoi me një armëpushim të ndërmjetësuar nga Moska.
Që atëherë, Azerbajxhani është fokusuar në projektet e planifikuara, duke përfshirë autostradat dhe një hekurudhë 43-kilometërshe përmes korridorit.
İki bedende bir can olan yiğitlerimiz, “Kardeş Yumruğu” Tatbikatı’nı başarıyla gerçekleştirerek dosta güven, düşmana korku veren Türk’ün gücünü tatbikat sahasında bir kez daha göstermiş oldu.
Tatbikatta görev yapan tüm kahramanlarımızı kutluyoruz.
pic.twitter.com/qsU9pTumjg
— T.C. Millî Savunma Bakanlığı (@tcsavunma) December 6, 2022
