Miodrag Lekiç është caktuar nga Kuvendi i Malit të Zi si mandatar për formimin e qeverisë së re në këtë shtet.
Kryetarja e Kuvendit, Danijela Gjuroviç në seancë njoftoi se presidenti Milo Gjukanoviç nuk ka propozuar përfaqësues, ndaj dhe janë plotësuar kushtet nga neni 7 i ndryshimeve në Ligjin për Presidentin dhe Miodrag Lekiç do të jetë përfaqësuesi për formimin e qeverisë me firmën e 41 deputetëve, shkruan Vijesti.
Lekiç ka falënderuar për besimin e konfirmuar, i cili siç ka thënë ai është shprehur me disa akte të mazhorancës.
Ai u bëri thirrje kolegëve të tij që të jenë në lartësinë e detyrës dhe të gjejnë një balancë mes interesave legjitime partiake dhe qëllimit të përgjithshëm.
