Komuniteti Mysliman në Slloveni ka bërë të ditur se nxënësit në shkollat fillore shërbehen me mish derri të paktën një herë në javë, kështu që shumë fëmijë myslimanë detyrohen të hanë vetëm një copë bukë dhe një mollë. Prandaj, ata janë në kërkim të prezantimit të një menyje pa mish derri.
Shumë shpejt ata morën përgjigjen se shkollat nuk janë restorante dhe se nuk kanë staf të mjaftueshëm për rregullime të tilla. Disa besojnë se myslimanët duhet t’u përshtaten zakoneve lokale nëse duan të integrohen në shoqërinë sllovene. “Një pretendim i tillë është i egër dhe i papranueshëm”, thekson bashkësia islame.
Rekomandohet që mishi i kuq të jetë në meny katër herë në muaj
Ata pohojnë se nëse shumica e shkollave mund të ofrojnë peshk për nxënësit të premten dhe të “mërkurën e hirit”, siç kërkohet nga tradita e krishterë, atëherë ia vlen të merret parasysh ofrimi i një menyje pa mish derri edhe për fëmijët myslimanë. Ata theksojnë se për shtatë javë kanë analizuar menytë në të gjitha shkollat fillore sllovene dhe se përfundimi i tyre më i rëndësishëm është se “mishi i derrit është shumë shpesh në meny”.
“Bëhet fjalë për një mesatare prej dy deri tre herë në javë, që nuk është as në përputhje me udhëzimet e një diete të shëndetshme”, tha Ela Porić, kryetare e grupit punues nën kujdesin e Bashkësisë Islame.
Porić thotë se sistemi i të ushqyerit në shkolla është i vendosur mirë, por edhe sistemi më i mirë ka gjithmonë vend për përmirësim.
Por nga ana tjetër, kryetarja e Shoqatës së Drejtorëve dhe Ndihmës Drejtorëve të Sllovenisë, Mojca Mihelič thotë se detyra jonë nuk është të ushqejmë fëmijët.
“Dëshiroj që opinioni më në fund të kuptojë se shkollat dhe institucionet arsimore nuk janë institucione ushqimore dhe se ne nuk jemi as kopsht e as institucion financiare”, “Detyra jonë nuk është të ushqejmë fëmijët. Puna e shkollave është të rrisin dhe edukojnë”, thotë Mihelič.
Mirëpo, bashkëbiseduesit janë të njëjtë për atë që thonë se është një njoftim i papranueshëm që u është dërguar prindërve së fundmi nga një prej ofruesve të kateringut të shkollës. Në të, ata njoftuan se nuk do t’i përshtatin menytë, sepse emigrantët duhet të përshtaten me zakonet dhe traditat tona, duke thënë se vetëm kështu do të integrohen me sukses në shoqërinë sllovene.
“Mendoj se është e papranueshme që ky lloj diskursi të shfaqet edhe në fushën e arsimit, sepse shkollat duhet të jenë mjedise ku respektohet diversiteti”, thekson Poriç. Njoftimi u dënua ashpër edhe nga Ministria e Arsimit. /islamgjakova
Myslimanët në Slloveni kërkojnë që në shkolla të futet menyja pa mish derri
