RTV AHIRETI
LajmeRajon dhe Botë

Në sulmet iz’raelite vr’itet drejtori i Ambulancës dhe Em’ergjencave të Ga’zës

ne-sulmet-iz’raelite-vr’itet-drejtori-i-ambulances-dhe-em’ergjencave-te-ga’zes

Drejtori i Ambulancës dhe Emergjencave të Gazës, Hani al-Jafarani ka humbur jetën në sulmin e ushtrisë izraelite që synonte qendrën shëndetësore Al-Durj në pjesën qendrore të Rripit të Gazës, transmeton Anadolu.

Në deklaratën me shkrim, Ministria e Shëndetësisë në Gaza tha: “Me keqardhje njoftojmë për vdekjen e drejtorit të Ambulancës dhe Emergjencave të Gazës, Jafarani, si rezultat i avionëve luftarakë pushtues izraelitë që synonin dje klinikën Al-Durj në pjesën qendrore të Rripit të Gazës”.

Në deklaratë thuhet se sa ishte gjallë Jafarani, ai dhe kolegët e tij ditë e natë pa hezitim bënë përpjekje të mëdha për evakuimin e viktimave dhe të plagosurve nën bomba.

“Ministria e Shëndetësisë, së bashku me të gjithë ofruesit e kujdesit shëndetësor, konfirmon vendosmërinë e saj për të vazhduar misionin humanitar dhe mjekësor, pavarësisht nga shënjestrimi sistematik dhe vrasja direkte e 500 personelëve shëndetësorë deri më sot dhe ndalimi i më shumë se 310 personelëve shëndetësorë në kushte të rënda dhe çnjerëzore”, theksohet në deklaratë.

Në sulmet e kryera nga Izraeli në Rripin e Gazës që nga 7 tetori janë vrarë 37.598 palestinezë, përfshirë të paktën 15.694 fëmijë dhe 10.279 gra ndërsa 86.032 persona u plagosën. Ende ka mijëra të vdekur nën rrënoja, infrastruktura civile po shkatërrohet duke synuar spitalet dhe institucionet arsimore ku njerëzit ishin strehuar.

Related posts

Rusia ka pësuar humbje të mëdha në luftë/ Putin kërkon të forcojë mbrojtjen, synon rekrutimin e 400 mijë ushtarëve të rinj

admin

Izraeli ka arrestuar 4.575 palestinezë në Bregun Perëndimor dhe Kudsin Lindor që nga 7 tetori

rezart morina

Kosova kërkon hapjen e arkivave: Zhdukjet me forcë ishin krime të kryera nga Serbia

admin