Dy palestinezë të tjerë janë vrarë në sulmin e fundit të ushtrisë izraelite në Rripin e bllokuar të Gazës, transmeton Anadolu.
Ministria palestineze e Shëndetësisë në Gaza bëri një deklaratë në lidhje me bilancin e sulmeve të ushtrisë izraelite në pjesën veriore të Rripit të Gazës sot.
Në deklaratë thuhet se në sulmin e sotëm izraelit janë vrarë dy palestinezë.
Siç njoftohet, numri i personave që humbën jetën në sulmet e kryera nga Izraeli në Rripin e Gazës që nga dje u rrit në 17 dhe numri i të plagosurve në 37.
Në sulmet e kryera nga Izraeli në Rripin e Gazës dje, humbën jetën 15 palestinezë, mes tyre gra dhe fëmijë, kurse 22 u plagosën. Është bërë e ditur se tre persona nga personeli ushtarak i Lëvizjes Xhihadi Islamik ishin në mesin të vdekurve nga sulmet.
Ushtria izraelite sot goditi sërish disa zona në Gaza, ku qetësia mbizotëronte që nga orët e natës.
Pas kësaj, një seri raketash u lëshuan nga Gaza në drejtim të Izraelit.
Gaza today while the world is silent pic.twitter.com/qs4mEUabJN
— Muhammad Smiry
(@MuhammadSmiry) May 10, 2023
