Muslimanët palestinezë dhe të huaj, në xhaminë Al-Aksa kanë falur namazin e xhenazes në mungesë për viktimat nga tërmetit me qendër në Kahramanmaraş, si dhe u kryen lutje për Turqinë, u mblodhën ndihma dhe u dhanë mesazhe solidariteti, raporton Anadolu.
Mijëra palestinezë dhe vizitorë të huaj muslimanë, që falën namazin e xhumasë në xhaminë Al-Aksa në Kudsin Lindor nën pushtim, dëgjuan hutben (ligjëratën) dhe kryen lutje për të prekurit nga tërmeti në Turqi dhe Siri.
Tema e hutbes së xhumasë së kësaj jave të mbajtur nga Imami i xhamisë Al-Aksa, Sheikh Yusuf Abu Sneina, ishte fatkeqësia e tërmetit në Turqi dhe Siri.
Sheikh Sneina tha se “lotët e botës islame rrjedhin për ata që kanë humbur jetën në këto tërmete”.
“Është përgjegjësi e muslimanëve që në këtë ngjarje të dhimbshme të japin mbështetje për të prekurit e tërmetit në Turqi dhe Siri”, theksoi Sneina duke shtuar se ndaj atij që vrapon në ndihmë të vëllait të tij në ditë të vështira edhe Allahu e ndihmon atë në Ditën e Gjykimit.
Sneina kreu lutje së bashku me besimtarët për të prekurit nga tërmeti dhe uroi mëshirën e Allahut mbi personat që kanë humbur jetën, si dhe shërim të shpejtë për të plagosurit.
Pas namazit të xhumasë, ku mori pjesë edhe konsulli i përgjithshëm i Turqisë në Kuds të Palestinës, Ahmet Rıza Demirer, u fal edhe namazi i xhenazes në mungesë për personat që kanë humbur jetën në tërmet.
Pas namazit të xhenazes, për të prekurit nga tërmeti u mblodhën ndihma në kutitë e vendosura në xhaminë Al-Aksa.
“Ajo vajzë e mbetur nën rrënoja është motra ime”
Muslimanët në xhaminë Al-Aksa në prononcimet e tyre për gazetarin e AA-së ndanë trishtimin që ndiejnë për personat që kanë humbur jetën në tërmet.
Inxhinieri palestinez, Musa Hicazi (61), që mori pjesë në namaz, tha se, “Allahu e di se zemrat tona janë të mbushura me trishtim dhe se të gjitha vendet islame i ka mbuluar trishtimi. Trishtim ka kryesisht edhe në Palestinë. Sepse vëllezërit tanë në Turqi dhe Siri kanë qëndruar gjithmonë pranë palestinezëve. Ata janë vëllezërit tanë”.
“Ajo vajzë e mbetur nën rrënoja është motra ime. Ajo nënë që ka humbur jetën është motra ime. Fëmijët që i ka humbur një baba janë edhe bijtë e mi. Besimtarët janë vëllezër/motra. Kjo është një sprovë për ne. Allahu do t‘u kërkojë llogari të gjithë muslimanëve për të gjithë ata që kanë humbur jetën. Allahu nga pret që të ndihmojmë personat në nevojë, të shtypurit, përfshirë edhe ato jo muslimanë”.
Edhe muslimani britanik, Naveed Aslam, i cili ka ardhur në Kuds për të vizituar territoret e shenjta nga qyteti Birmingham i Britanisë, tha se “dhimbjen në Turqi dhe Siri e ndiejmë në zemrën tonë”.
“Si një musliman, mendoj se të gjithë në botë duhet të ndihmojnë pas fatkeqësisë së përjetuar në Turqi dhe Siri. Kanë nevojë për shumë ndihmë”, u shpreh ndër të tjera Aslam.
Performing the absentee prayer for the martyrs of the #Syria_Turkey earthquake in the blessed Al-Aqsa Mosque.
God, help all the oppressed from all sects and religions#OperationDost#TurkeySyriaEarthquake#TurkeyQuake #earthquakeinturkey #زلزال_ترکیا#زلزال_سورية
pic.twitter.com/7ilvOxoJk8
— IND_Akhtar (@akhtarindia92) February 10, 2023
