Në praninë e Presidentit të Turqisë, Recep Tayyip Erdoğan dhe atij të Kroacisë, Zoran Milanoviç, janë nënshkruar tre marrëveshje në fusha të ndryshme, raporton Anadolu Agency (AA).
Pas takimit kokë me kokë të Erdoğan dhe Milanoviç dhe mes delegacioneve, liderët morën pjesë në ceremoninë e nënshkrimit të marrëveshjeve mes dy vendeve.
Në këtë kuadër, mes ministrisë së Brendshme të Turqisë dhe Kroacisë, është nënshkruar Memorandum Mirëkuptimi për Sigurimin e Paqes dhe Rendit Publik, nënshkrues i të cilit ishin ministri i Brendshëm i Turqisë, Süleyman Soylu dhe zëvendëskryeministri dhe ministri i Brendshëm i Kroacisë, Davor Bozhinoviç.
Soylu dhe Bozhinoviç gjithashtu nënshkruan Memorandumin e Mirëkuptimit për Bashkëpunim në Fushën e Menaxhimit të Fatkeqësive dhe Emergjencave.
Ndërkohë, edhe kryetari i Arkivave Shtetërore të Presidencës së Turqisë, Uğur Ünal dhe kryetari i Arkivës Shtetërore të Kroacisë, Dinko Çutura, kanë nënshkruar një Protokoll Bashkëpunimi mes institucioneve përkatëse. /aa
