Nëntë banues dhe një zjarrfikës kanë pësuar lëndime, si pasojë e një zjarri që ka ndodhur brenda një ndërtese kolektive, mbrëmë në Ferizaj.
Të lënduarit për shkak të plagëve të marra janë dërguar për tretman mjekësor në Qendrën Klinike Universitare të Kosovës (QKUK).
Në raportin ditor, Policia e Kosovës thotë se ende nuk dihen shkaqet dhe rrethanat e shpërthimit të zjarrit.
Ndërkohë, në vendin e ngjarjes kanë dalë njësitë e zjarrfikësve, njësitë policore si dhe ato emergjente.
Zjarri ka shkaktuar edhe dëme të mëdha brenda ndërtesës.
“Raportohet se në rrethana të panjohura është përfshirë nga zjarri një ndërtesë kolektive. Në vend ngjarje kanë dal njësitet e zjarrfikësve, njësitet policore dhe ato emergjente. Përpos dëmeve materiale lëndime trupore kanë pësuar nëntë qytetar dhe një zjarrfikës. Të lënduarit janë dërguar në tretman mjekësor në QKUK”, thuhet në njoftim
