Sekretari amerikan i Mbrojtjes, Pete Hegseth, ka lëshuar një paralajmërim të ashpër ndaj çdo grupi apo shteti që kërcënon qytetarët amerikanë.
Në një deklaratë të publikuar në rrjetin social X nga Komanda Qendrore e SHBA-së (CENTCOM), Hegseth tha se Shtetet e Bashkuara do të reagojnë pa hezitim nëse amerikanët sulmohen kudo në botë.
“Nëse vrisni amerikanë, nëse kërcënoni amerikanë kudo në tokë, ne do t’ju gjejmë pa kërkuar falje dhe pa hezitim, dhe do t’ju vrasim”, citohet të ketë thënë ai.
Deklarata u shoqërua me një video prej 21 sekondash, në të cilën shfaqen pamje të deklasifikuara të sulmeve ajrore të forcave amerikane ndaj automjeteve dhe objekteve të ndryshme që shkatërrohen gjatë operacioneve ushtarake.
Paralajmërimi vjen në një kohë tensionesh të larta në disa rajone të botës, ku SHBA-ja ka shtuar praninë dhe aktivitetet ushtarake. /mesazhi
