RTV AHIRETI
LajmeRajon dhe Botë

Niger: SHBA dhe BE nuk njohin pushtetin e ri të drejtuar nga gjeneralët

niger:-shba-dhe-be-nuk-njohin-pushtetin-e-ri-te-drejtuar-nga-gjeneralet

Në Niger, gjeneral Abdourahamane Tchiani e deklaroi veten President i Këshillit Kombëtar të shtetit. Në një fjalim në radio, ai tha se ka organizuar një grusht shtetit në bashkëpunim me Gardën Presidencial, komandant i së cilës ka qenë prej vitit 2011.

Kreu i puçit ushtarak zhvilloi takimin e parë më zyrtarët e qeverisë, gjatë së cilës u pezullua kushtetua e vendit .

Tchiani shpjegoi se motivet puçit ushtarak lidhen me veprimet e qeverisë së Presidentit Muhamed Bazoum. Sipas gjeneralit, presidenti dështoi në luftën kundër terrorizmit dhe në përgjithësi në gjithë sfidat e vendit. Gjenerali tha se vendi do të ndryshojë politikat kryesore, por pa i shpjeguar se cilat janë ato.

Ekspertë thonë se puçi ushtarak erdhi pas një tentative për të larguar nga drejtimi i gardës ushtarake disa gjeneralë.

Vendet perëndimore, veçanërisht Bashkimi Europian kanë dënuar ashpër grushtin e shtetit në Nigeri. Presidenti Bazoum u zgjodh dy vite më parë, në zgjedhjet e para demokratike që u njohën nga komuniteti ndërkombëtar në Niger. Presidenti i larguar nga pushteti dyshohet se mbahet peng nga ushtarakët në rezidencën e tij.

Dalja e tij e fundit në media ishte të enjten e kaluar, kur kërkoi në rrjetet sociale që qytetarët të mbronin demokracinë. Sekretari i Shtetit, Blinken e ka cilësuar presidentin si një mbështetës të përhershëm të politikave të shteteve të bashkuara të Amerikës. Asnjë nga vendet perëndimore nuk e ka njohur, deri tani, pushtetin e ri të marrë nga gjeneralët.

Ndërkohë kombet e bashkuara janë të shqetësuara për trazirat që mund të lindin në Niger. Në shtetin afrikan jetojnë më shumë se 25 milionë banorë dhe përplasjet civile mund të sjellin krizë humanitare dhe emigrim masiv. /euronews

Related posts

Izraeli miraton planet për operacionin ushtarak në Rafah në Rripin e Gazës jugore

admin6

Finlandë, votohet për raundin e dytë të zgjedhjeve presidenciale

rezart morina

Të paktën 300 të vrarë dhe të plagosur nxirren nga rrënojat si pasojë e sulmeve izraelite në Gaza

admin