Autoritetet nigeriane njoftuan se kanë shpëtuar 100 fëmijë që ishin rrëmbyer nga një konvikt katolik në shtetin Niger. Fëmijët u gjetën të sigurt pas një operacioni të forcave të sigurisë.
Zyrtarët thanë gjithashtu se po punojnë për lirimin e 150 nxënësve të tjerë dhe 12 mësuesve që vazhdojnë të mbahen peng nga rrëmbyesit. Sulmet ndaj shkollave dhe rrëmbimet masive janë bërë të shpeshta në veri të Nigerisë, ku grupe të armatosura kërkojnë shpërblime në këmbim të pengjeve.
Autoritetet premtuan se operacionet e kërkim-shpëtimit do të vazhdojnë deri në sigurimin e lirimit të plotë të të gjithë të rrëmbyerve. /mesazhi
