Spiropali pritet nga Hakan Fidan, kryediplomati i Ankarasë sqaron nismën
Ministrja e Jashtme Elisa Spiropali ndodhet në Stamboll, ku nën dirigjimin e Turqisë do të ulet me ministrat e jashtëm të vendeve të Ballkanit në iniciativën e shtetit turk për të promovuar stabilitetin dhe shmangien nga konfliktet ballkanike.
Fjala është për Balkan Peace Platform, një nismë që synon të promovojë paqen dhe stabilitetin në rajon.
Në vigjilje Spiropali u takua me homologun turk Hakan Fidan.
Sipas Fidan, nisma Balkan Peace Platform nuk zëvendëson asnjë nga nismat e tjera ndërkombëtare, por i plotëson dhe i mbështet ato. Sipas kryediplomatit turk, nga ky samit pritet të ketë projekte konkrete që i kontribuojnë paqes, dialogut dhe prosperitetit në rajon.
Takimi i parë i këtij niveli u mbajt në Turqi në korrikun e vitit 2025. /tesheshi
