RTV AHIRETI
LajmeRajon dhe Botë

Një adoleshent palestinez qëllohet për vdekje nga forcat izraelite në Bregun Perëndimor

nje-adoleshent-palestinez-qellohet-per-vdekje-nga-forcat-izraelite-ne-bregun-perendimor

Vdekja e re vjen vetëm disa orë pasi forcat izraelite në një bastisje në qytetin Nablus më herët vranë tre palestinezë, përfshirë aktivistin Ibrahim al-Nabulsi

Ministria e Shëndetësisë e Palestinës ka bërë të ditur se një adoleshent palestinez është qëlluar për vdekje nga forcat izraelite në Bregun Perëndimor të pushtuar, transmeton Anadolu Agency (AA).

Ministria palestineze tha se 17-vjeçari Moamen Yassin Jaber u qëllua në gjoks nga forcat izraelite në qytetin Hebron dhe ndërroi jetë nga plagët e marra.

Vdekja e re vjen vetëm disa orë pasi forcat izraelite në një bastisje në qytetin Nablus më herët vranë tre palestinezë, përfshirë aktivistin Ibrahim al-Nabulsi.

Sot, palestinezët organizuan tubime në Bregun Perëndimor të pushtuar për të protestuar kundër vrasjeve nga forcat izraelite.

Të paktën 45 palestinezë u vranë javën e kaluar në tre ditët e sulmeve ajrore izraelite në Rripin e Gazës. Sulmet u ndalën të dielën nën një armëpushim të ndërmjetësuar nga Egjipti. /aa

Related posts

Turqia dënon ‘ekzekutimet’ në Bregun Perëndimor

admin

Drejtori Liman Bytyqi thërret policinë për ta larguar mësuesen me shami, kjo e fundit jep deklaratë në polici

admin

Gaza, më shumë se 5 mijë fëmijë janë vrarë nga sulmet izraelite

admin