Sipas ofruesit belg të shërbimeve të navigacionit ajror Skeyes, një dron është zbuluar pranë Aeroportit të Brukselit për të dytën natë radhazi, transmeton Aandolu.
Zëdhënësi i Skeyes, Kurt Verwilligen, tha se kontrollorët e trafikut ajror e vërejtën dronin me sy dhe gjithashtu e zbuluan atë në sistemet digjitale duke përdorur pajisje të specializuara detektimi.
Verwilligen tha se operacionet në aeroport rifilluan në orën 20:20 me kohën lokale, pas pezullimit të detyrueshëm 30-minutësh si masë parandaluese pas vërejtjes së një droni, në përputhje me “Procedurën për Dronët e Paautorizuar”.
Ai nuk dha detaje të tjera mbi natyrën e operacioneve të prekura nga incidenti.
Megjithatë, zëdhënësi i Aeroportit të Brukselit, Quentin Mertens, tha se operatori i aeroportit nuk kishte marrë asnjë raport për fluturimin e një droni mbi aeroport dhe se nuk kishte pasur ndërprerje të trafikut ajror.
“Nuk u regjistruan devijime apo vonesa”, tha Mertens.
Incidenti ndodhi një ditë pasi trafiku ajror në Aeroportin e Brukselit u ndërpre përkohësisht pas vërejtjes së një droni tjetër.
Uljet e avionëve u pezulluan nga ora 21:45 deri në orën 22:10 me kohën lokale të premten, ndërsa po kryheshin kontrolle parandaluese, duke rezultuar në devijimin e tre fluturimeve.
