Gjatë ditës së sotme një grua raportohet se ka rënë nga Ura e Fshajt në lumin Drini i Bardhë.
Zëdhënësi i Policisë për Rajonin e Gjakovës, Sheremet Elezaj ka thënë për tëvë1.info, se njësitet policore dhe zjarrëfikësit kanë dalë në vendin e ngjarjes, teksa është informuar edhe Njësia për Kërkim Shpëtim.
“Rreth orës 10:00 kemi pranuar informatë se një person (femër e moshës madhore) ka rënë nga ura e Fshajt në lumin Drini i Bardhë. Të gjitha njësitet e nevojshme policore dhe zjarrfikësit menjëherë kanë dalë në vendin e ngjarjes si dhe është njoftuar Njësia për Kërkim Shpëtim”, tha ai.
Sipas tij, “në këto momente, edhe përkundër rrjedhës së madhe të ujit në lumë, janë duke u ndërmarrë të gjitha veprimet e mundshme për gjetjen e viktimës”.
