Palestinezët po ikin në këmbë pasi ushtria izraelite lëshoi urdhra të reja evakuimi për banorët e kampeve të refugjatëve Nuseirat dhe Bureij, duke prekur rreth 29,000 njerëz.
Philippe Lazzarini, shefi i UNRWA, tha se vetëm 14 për qind e Rripit të Gazës nuk është aktualisht nën urdhër evakuimi.
Netanyahu tha se kabineti i sigurisë i vendit ka autorizuar veten dhe ministrin e mbrojtjes të vendosin se kur dhe si Izraeli do t’i përgjigjet sulmit vdekjeprurës në lartësitë e Golanit të pushtuara nga Izraeli. Izraeli fajëson Hezbollahun e Libanit për sulmin, një akuzë që grupi e mohon.
Zyrtarët libanezë thonë se nuk duan luftë dhe kanë bërë thirrje për një hetim ndërkombëtar për sulmin që vrau 12 të rinj, shumica prej tyre fëmijë, në qytetin Majdal Shams në lartësitë e Golanit.
Ndërsa tensionet rajonale rriten, Franca dhe Norvegjia kanë bërë thirrje për përmbajtje, Mbretëria e Bashkuar i kërkoi Hezbollahut t’i jepte fund sulmeve dhe SHBA tha se po punonte për një zgjidhje diplomatike për t’i dhënë fund sulmeve “një herë e përgjithmonë”.
Egjipti dhe Jordania, ndërkohë, kanë theksuar rëndësinë e mbështetjes së Libanit.
Drejtori i CIA-s William Burns po zhvillon bisedime në Romë me homologët e tij izraelitë dhe egjiptianë dhe kryeministrin e Katarit për një armëpushim në Gaza dhe lirimin e robërve.
Presidenti turk Rexhep Tajip Erdogan tha se Turqia mund të ndërhyjë në luftën e Izraelit në Gaza, duke shkaktuar dënime nga zyrtarët izraelitë.
