Myslimanë të zemëruar sulmuan në mërkurën një zonë të krishterë në lindje të Pakistanit, duke djegur një kishë dhe dëmtuar të paktën katër të tjera.
Turma po ashtu demoloi shtëpinë e një burri pasi e akuzuan atë për përdhosje të librit të shenjtë islam dhe sulmuan disa shtëpi të tjera të të krishterëve, raportoi AP.
Sulmet në Jaranwala ndodhën kur disa myslimanë që jetojnë në zonë pretenduan se një i krishterë dhe miku i tij kishin shqyer fletat e Kuranit, i kishin gjuajtur në tokë dhe kishin shkruar fjalë fyese në të.
Shefi i Policisë, Rizwan Khan, ka thënë se kjo i zemëroi myslimanët lokalë. Një turmë u mblodh dhe filluan të sulmonin disa kisha dhe shtëpi, duke djegur mobilieri dhe pajisje.
Policia intervenoi duke gjuajtur në ajër për ta shpërndarë turmën. /koha
