Izraeli ka hedhur fletëpalosje me urdhra evakuimi mbi qytetet në lindje të Khan Younis.
Një banor i Khan Younis tha se një fqinj mori një telefonatë nga ushtria izraelite duke paralajmëruar se shtëpitë në zonë do të goditeshin dhe të gjithë duhet të largoheshin. “Ne u thamë atyre: ‘Nuk kemi asgjë këtu. Pse doni ta goditni?”, tha banori, Hikmat al-Qidra, duke shtuar se shtëpitë u shkatërruan.
Fletëpalosjet krijuan panik dhe konfuzion, veçanërisht në jugun e mbushur me njerëz. Në pamundësi për të shkuar në Gazën veriore ose në Egjiptin fqinj, shpëtimi i tyre i vetëm është të lëvizin rreth një zone prej 220 km katrorë (85 milje katrore).
“Nuk kam ku të shkojë,” tha Emad Hajar, i cili iku me gruan dhe tre fëmijët e tij nga veriu një muaj më parë në Khan Younis. “Ata na dëbuan nga veriu dhe tani po na shtyjnë të largohemi nga jugu”.
Ushtria izraelite e ka ndarë Rripin e Gazës në 2300 “blloqe” dhe tani po u dërgon mesazhe SMS banorëve duke u thënë atyre të largohen para se të nisin sulmet, të cilat sipas ushtrisë do të “eliminojnë Hamasin”. /mesazhi
