Edhe një herë, sulmet ndaj civilëve në të gjithë Rripin e Gazës nuk ndalën, thotë Hani Mahmoud nga Aljazeera që raporton nga Rafah, Gaza
Gjatë natës, shtëpitë u vunë në shënjestër në anën perëndimore të qytetit Rafah në zonën Tall as-Sultan. Kjo është shumë afër zonës së evakuimit al-Mawasi, ku shumë palestinezë jetojnë në tenda të improvizuara.
Pesëmbëdhjetë persona, të gjithë nga e njëjta familje, u vranë në sulmet e natës në Rafah. Shumica dërrmuese janë gra dhe fëmijë, të gjithë të strehuar në të njëjtën shtëpi.
Në anën lindore të Rafahut, ushtria izraelite ende po kryen bombardime me artileri mbi shtëpitë dhe po shkatërron tokat bujqësore. Kjo po ndodh në lindje të rrugës Salah al-Din.
Në kampet e refugjatëve Bureij dhe Maghazi, ushtria izraelite ka vazhduar bombardimet e saj. Të paktën gjashtë persona raportohen të vdekur që nga orët e para të mëngjesit të sotëm.
Ne prisnim një de-përshkallëzim të bombardimeve ajrore të Izraelit ndërsa lufta hyn në fazën e tretë, por ne po shohim të kundërtën. /mesazhi
