RTV AHIRETI
FeaturedKosovëLajmeLajmet

Nuland: Të nisë implementimi i zotimeve të Ohrit

nuland:-te-nise-implementimi-i-zotimeve-te-ohrit

Nënsekretarja e Shtetit amerikan për çështje politike, Victoria Nuland, ka bërë thirrje për shtensionim të menjëhershëm të situatës në veri dhe nisjen e implementimit të zotimeve të bëra në Ohër.

Deklaratën Nulandi e ka dhënë pas takimit me emisarin e Bashkimit Evropian për dialogun Kosovë-Serbi, Miroslav Lajçak.

“E lumtur të mirëpres mikun e vjetër, emisarin special të BE-së, Miroslav Lajçak. Kërkojmë nga Kosova dhe Serbia të shtensionojnë situatën menjëherë dhe të nisin implementimin e zotimeve të Ohrit. Ne vazhdojmë të përkrahim planin trepikësh të BE-së, si rrugëdaljen më të mirë nga kriza”, ka shkruar ajo në Twitter.

Që nga 26 maji, në komunat në veri të Kosovës ka pasur tensione pasi serbët lokalë nisën protesta kundër hyrjes së kryetarëve të rinj të komunave në objektet komunale. Nga protesta e dhunshme fillimisht pësuan 30 ushtarë të KFOR-it e disa policë. Më pas situata u qetësua, ndërsa javën e shkuar Policia e Kosovës njoftoi se forcat serbe kanë hyrë brenda territorit të Kosovës duke kidnapuar tre policë që po mbahen në Serbi në paraburgim.

Bashkimi Evropian ka kërkuar zgjedhje të menjëhershme të parakohshme në veri, sigurimin që në to do të marrin pjesë serbët e Kosovës dhe nisjen e themelimit të Asociacionit të komunave me shumicë serbe.

Në mars, në Ohër, Kosova dhe Serbia u pajtuan për aneksin e zbatimit të Marrëveshjes Bazë, të dakorduar në Bruksel në shkurt.

Related posts

Ambasadori gjerman: Ne presim një valë të re refugjatësh ukrainas së shpejti

admin

Çavuşoğlu: Turqia nuk do të lejojë grupet terroriste të strehohen në Siri dhe Irak

admin

Kryeministri grek: Nga zgjidhja e problemeve me Turqinë do të përfitojnë të dy vendet

admin