Organizata e Bashkëpunimit Islamik (OBI), së bashku me 21 shtete, përfshirë Pakistanin, kanë refuzuar kategorikisht njohjen e rajonit të Somalilandit nga Izraeli, duke paralajmëruar për pasoja serioze për paqen dhe sigurinë rajonale dhe më gjerë.
Kjo u bë e ditur në një deklaratë të përbashkët të nënshkruar nga Pakistani, Jordania, Egjipti, Algjeria, Komoret, Xhibuti, Gambia, Irani, Iraku, Kuvajti, Libia, Maldivet, Nigeria, Omani, Palestina, Katari, Arabia Saudite, Somalia, Sudani, Turqia, Jemeni dhe OBI.
Deklarata thekson se ky veprim pasqyron shpërfillje të plotë dhe të hapur të së drejtës ndërkombëtare dhe Kartës së Kombeve të Bashkuara, e cila parashikon mbrojtjen e sovranitetit dhe integritetit territorial të shteteve.
Palët nënshkruese riafirmuan mbështetjen e plotë për sovranitetin dhe integritetin territorial të Somalisë dhe hodhën poshtë çdo masë që mund të cenojë unitetin dhe kontrollin e saj mbi të gjithë territorin.
Gjithashtu, deklarata refuzon çdo lidhje të mundshme mes kësaj njohjeje dhe përpjekjeve për dëbimin me forcë të popullit palestinez nga toka e tij, duke theksuar se një veprim i tillë është i papranueshëm në çdo formë. /mesazhi
