Organizata Botërore e Shëndetësisë ka paralajmëruar se dimri i ardhshëm do të jetë “kërcënues për jetën” për miliona ukrainas pas një serie sulmesh shkatërruese ruse në rrjetin energjetik të vendit.
“Thënë thjesht – ky dimër do të jetë rreth mbijetesës”, u tha gazetarëve Hans Kluge, drejtor rajonal për Evropën në organin shëndetësor të Kombeve të Bashkuara, gjatë vizitës së tij në Kiev.
“Ky dimër do të jetë kërcënues për jetën për miliona njerëz në Ukrainë”, tha ai.
Dëmtimi i infrastrukturës energjetike të Ukrainës, i shkaktuar nga sulmet e shumta raketore “po ka efekte të dëmshme në sistemin shëndetësor dhe në shëndetin e njerëzve”, tha Kluge, raporton Al Jazeera, përcjell Klankosova.tv
“Sulmet e vazhdueshme në infrastrukturën shëndetësore dhe energjetike nënkuptojnë se qindra spitale dhe objekte të kujdesit shëndetësor nuk janë më plotësisht funksionale. Ne presim që dy-tre milionë njerëz të tjerë të largohen nga shtëpitë e tyre në kërkim të ngrohtësisë dhe sigurisë”, paralajmëroi ai”, shtoi ai.
