Luftimet në Iran kanë shkaktuar një krizë të rëndë humanitare brenda pak javësh, sipas të dhënave të bëra publike nga Organizata Botërore e Shëndetësisë.
Drejtoresha rajonale për Mesdheun Lindor, Hanan Balkhy, deklaroi gjatë një konference për mediat se situata përfaqëson një nga krizat më të mëdha të dekadave të fundit.
Sipas saj, bilanci paraprak i pasojave është alarmant:
Të paktën 3,300 persona kanë humbur jetën
Mbi 30,000 të tjerë janë raportuar të plagosur
Më shumë se 4.3 milionë njerëz janë zhvendosur nga shtëpitë e tyre
Ndërkohë, Organizata Botërore e Shëndetësisë ka verifikuar edhe 116 sulme ndaj objekteve të kujdesit shëndetësor, duke rënduar më tej situatën për civilët dhe sistemin shëndetësor në vend.
