Omani dënoi sot vendimin e Kolumbisë për të njohur “sovranitetin e Izraelit” mbi Lartësitë e pushtuara siriane të Golanit, duke e quajtur atë shkelje të ligjit ndërkombëtar, transmeton Anadolu.
“Omani shpreh dënimin e tij për vendimin e qeverisë së Republikës së Kolumbisë për të njohur sovranitetin e Izraelit mbi Golanin e pushtuar sirian”, tha Ministria e Jashtme në një deklaratë.
“Vendimi përbën shkelje të së drejtës ndërkombëtare dhe bie ndesh me rezolutat e legjitimitetit ndërkombëtar, ndër to Rezolutën 497 të Këshillit të Sigurimit të OKB-së të vitit 1981”, shtoi ministria.
Omani rinovoi “qëndrimin e tij të vendosur se Golani është territor i pushtuar sirian” dhe pohoi mbështetjen e tij për “sovranitetin e Republikës Arabe Siriane mbi të gjithë territorin dhe unitetin e saj”.
Ministria u bëri thirrje të gjitha vendeve që t’i përmbahen Kartës së OKB-së, ligjit ndërkombëtar dhe rezolutave përkatëse të legjitimitetit ndërkombëtar.
Lartësitë e Golanit u pushtuan nga Izraeli gjatë luftës së Lindjes së Mesme të vitit 1967.
OKB-ja vazhdon ta konsiderojë Golanin si territor sirian ndërsa sekretari i përgjithshëm i OKB-së, Antonio Guterres muajin e kaluar përsëriti se pushtimi izraelit është “krejtësisht i papranueshëm”.
