Presidentja e Kosovës, Vjosa Osmani, ka dënuar kërcënimet nga Serbia, ndaj pjesëtarëve të policisë nga komuniteti serbë të cilët të hënë kanë filluar punë në veri.
Ajo tha se kjo fushatë duhet të ndalët dhe autorët të sillen para drejtësisë.
“I dënoj kërcënimet ndaj zyrtarëve policorë të Kosovës nga ana e Serbisë dhe grupeve të saj kriminale”.
“Policia jonë është profesionale dhe multietnike. Kjo fushatë duhet të ndalet dhe autorët duhet të sillen para drejtësisë. Jemi me oficerët tanë policorë derisa ata shërbejnë me guxim për një Kosovë të sigurt për të gjithë”, ka shkruar Osmani në Twitter.
