RTV AHIRETI
LajmeRajon dhe Botë

Pakistan, lëshohen dy urdhër-arreste të veçanta për ish-kryeministrin Khan

pakistan,-leshohen-dy-urdher-arreste-te-vecanta-per-ish-kryeministrin-khan

Dy urdhër-arreste janë lëshuar për ish-kryeministrin e Pakistanit, Imran Khan, i cili nuk mori pjesë në dy seancat në të cilat u gjykua në vend, transmeton Anadolu.

Seancat dëgjimore u mbajtën në Gjykatën e Qarkut në Islamabad. Në dy raste Khan u gjykua për shitjen e dhuratave nga personalitete të huaja gjatë mandatit të tij si kryeministër dhe për kërcënimin e një gjyqtareje femër në gusht të vitit të kaluar, sipas lajmeve të medias kombëtare.

Të dyja gjykatat lëshuan urdhër-arrest të veçantë për Khan, i cili nuk mori pjesë në seancë.

Pas vendimit të gjykatës, një ekip nga Departamenti i Policisë së Islamabadit shkoi në Lahore me helikopter për të arrestuar Khan-in.

Khan u largua sot nga shtëpia e tij në Lahore për të mbajtur tubimin e tij të parë për zgjedhjet që do të mbahen në shtetin Punjab më 30 prill.

Më 28 shkurt u lëshua urdhër-arrest për Khan-in, i cili nuk mori pjesë në seancat lidhur me pretendimin se dhuratat e marra nga zyrtarët e huaj janë shitur gjatë kohës së tij si kryeministër.

Policia shkoi për të arrestuar Khan-in më 5 mars, por njoftoi se ai nuk ishte në shtëpinë e tij.

Khan aplikoi në gjykatën më të lartë kundër vendimit dhe gjykata pezulloi urdhrin e arrestit deri më 13 mars.

– Qeveria e Imran Khan ra në prill 2022

Qeveria e Imran Khan kishte rënë me 174 vota “kundër” në votëbesimin e mbajtur në Parlamentin e Pakistanit më 10 prill 2022.

Shahbaz Sharif, vëllai i Nawaz Sharif, i cili shërbeu si kryeministër për tre mandate në vend, u zgjodh kryeministër me mbështetjen e shumicës absolute prej 174 vota në zgjedhjet e mbajtura në Parlament më 11 prill.

Related posts

Kina në alarm të kuq për shkak të thatësirës dhe rritjes së temperaturave

admin

Turqia dhe Këshilli i BE-së drejt ‘ringjalljes’ së lidhjeve

rezart morina

OKB: Anija ruse me plehra bujqësore të hënën niset për në Afrikë

admin