Jamal Al-Isawa, një palestinez i ndaluar për 60 ditë në Rripin e Gazës, ku ushtria izraelite ka vazhduar sulmet e saj për gati shtatë muaj, tha se ai iu nënshtrua formave të ndryshme të torturës gjatë ndalimit të tij.
“Mos më pyesni për torturat që na kanë bërë atje. Askush të mos thotë se ka njerëzi në shtetin e Izraelit, nuk ka njerëzi në to”, tha Jamal Al-Isawa për Anadolu.
Isawa tha se ushtarët e ndaluan atë në Spitalin Al-Shifa në qytetin e Gazës.
“Më futën në një kamion me disa të rinj dhe më çuan në një zonë të largët. Pastaj na futën në një qendër paraburgimi,” tha ai.
“Na torturuan vazhdimisht. Nuk kam forcë të flas. Vendi ishte plot me të rinj, shumë prej tyre i larguan nga familjet e tyre”, shtoi Isawa.
Lidhur me trajtimin e ushtarëve, Isawa tha se ai u tërhoq zvarrë në tokë dhe u rrah.
Izraeli liroi 61 nga shumë palestinezë që kishte arrestuar gjatë sulmeve tokësore që nisi në Gaza më 27 tetor të vitit të kaluar.
– “Këto 60 ditë ikën nga jeta e fëmijëve të mi”
“Kur erdhi Ramazani, ne menduam ‘mund të ketë pak njerëzi në shtetin e Izraelit’, por nuk ka njerëzi në to”, theksoi ai.
Duke treguar problemet shëndetësore që pësoi si pasojë e torturave, ai vuri në dukje: “Nuk mund të qëndroj në njërën nga këmbët e mia dhe kam bërë një operacion me hapje të zemrës”.
“Ata na shkatërruan dhe nuk di çfarë të bëj. Unë u mbajta atje për 60 ditë, ditët më të vështira të jetës sime. Numëronim orët dhe minutat e çdo ditë”, tha ai.
Duke thënë se ushtarët e mbanin atë në një vend të panjohur, Isawa shtoi: “Këto 60 ditë u morën nga jeta e fëmijëve të mi, u sakrifikuan nga jeta e vajzave të mia. Nuk e pashë babanë për 60 ditë dhe nuk e dija se kush kishte mbijetuar në familjen time”.
Ai tha: “Sa të dal nga spitali, do të puth tokën që kam shkelur, ma kanë privuar. Elhamdulilah, i pashë mirë fëmijët e mi dhe familjen time, me të cilët u ribashkova”.
Ushtria izraelite ka arrestuar mijëra palestinezë, duke përfshirë gra, fëmijë dhe punonjës shëndetësorë, që kur filloi pushtimin e saj tokësor në Gaza. Edhe pse Izraeli ka liruar disa të arrestuar, fati i të tjerëve nuk dihet.
