Muazham Khalil Abayat, 37 vjeç, kaloi 9 muaj në paraburgim izraelit pa akuza
Izraeli liroi një palestinez në një gjendje shëndetësore “tronditëse” të martën pas nëntë muajsh në paraburgim, sipas një organizate joqeveritare lokale.
Muazham Khalil Abayat, 37 vjeç, nga qyteti i Betlehemit në Bregun Perëndimor, u arrestua nga forcat izraelite tetorin e kaluar dhe u mbajt pa akuza nën politikën famëkeqe të ndalimit administrativ të Izraelit.
“Abayat u lirua nga burgu Negev në një gjendje të rëndë dhe tronditëse shëndetësore,” tha në një deklaratë Shoqata Palestineze e të Burgosurve.
Sipas OJQ-së, Abayat u rrah brutalisht gjatë arrestimit të tij në fund të tetorit 2023.
“Ai iu nënshtrua një sërë sulmesh të egra, duke përfshirë torturën dhe urinë,” tha organizata. “Gjendja e tij shëndetësore pas lirimit të tij sot shërben si një testament për atë që ai duroi gjatë paraburgimit.”
Abayat ishte arrestuar më parë dy herë nga forcat izraelite. Para arrestimit të fundit ai nuk ka patur asnjë problem shëndetësor.
Në videon e shfaqur gjatë lirimit ai krahason burgun famëkeq izraelit me atë të Guantanamos.
Sipas shifrave palestineze, të paktën 3,380 palestinezë, përfshirë gra dhe fëmijë, aktualisht mbahen pa akuza në burgjet izraelite ndërsa numri i të burgosurve palestinezë sillet rreth 10.000.
Un escena aterradora, el momento en que varios prisioneros salen de las prisiones israelíes. Incluido el prisionero Muazzaz Abayat, su estado de salud es crítica.
Sé están aprovechando los sionista de que sus presos están bien tratados x la resistencia.
pic.twitter.com/JvFnDbQNAB—
MADIBA.
(@MADIBA1150270) July 9, 2024
