Gazeta izraelite ‘Haaretz’ publikoi pamjet që tregonin rojet e sigurisë duke keqtrajtuar të burgosurit palestinezë në burgin Megiddo në Izraelin verior, transmeton Anadolu.
Videoja e gazetës izraelite përshkruan një roje duke drejtuar një qen policie në duart e të burgosurve, disa prej të cilëve janë të lidhur me pranga dhe të shtrirë me fytyrë përtokë.
Sipas gazetës, të burgosurit palestinezë thanë se rojet i rrahën në zona pa mbulim të kamerave.
Një zyrtar i lartë i Shërbimit të Burgjeve të Izraelit, i paidentifikuar, pranoi për gazetën se ka “dhunë të rëndë” ndaj të burgosurve në Megiddo, ndërsa shërbimi i përshkroi procedurat si “rutinë”.
Hamasi e dënoi pamjen, duke theksuar se kjo “zbulon shkallën e urrejtjes dhe sadizmit kundër palestinezëve”.
Grupi i rezistencës palestineze pretendoi se më shumë se 60 palestinezë kanë vdekur në burgje nga uria, torturat dhe neglizhenca mjekësore.
Ai bëri thirrje për presion ndërkombëtar ndaj Izraelit për të ndaluar shkeljet ndaj të burgosurve.
Raportet për keqtrajtim janë shtuar që nga fillimi i sulmeve të Izraelit në Rripin e Gazës më 7 tetor.
Pamjet e reja tregojnë keqtrajtimin e të burgosurve palestinezë në burgun izraelit https://t.co/7LwaMNdJ8Y pic.twitter.com/bC637ngbxU
— Anadolu Shqip (@aa_albanian) September 7, 2024
