Tre policëve të Kosovës të kidnapuar ditë më parë nga forcat serbe më 14 qershor, iu shqiptua masa e paraburgimit.
Për masën e paraburgimit ndaj tre policëve të Kosovës bëhet e ditur në një njoftim të Prokurorisë së Lartë Publike në Kralevë.
Megjithatë në këtë njoftim nuk bëhet e ditur se sa ditë paraburgim i janë dhënë tre zyrtarëve policorë të Kosovës, raporton Telegrafi.
Sipas njoftimit, tre policët dyshohet se kanë kryer veprën penale: prodhim, posedim, mbajtje dhe trafikim i paligjshëm i armëve dhe lëndëve plasëse.
“Sipas propozimit të prokurorit publik të Prokurorisë së Lartë Publike në Kraljevë, gjyqtari për procedurën paraprake të Gjykatës së Lartë në Kraljevë ka urdhëruar paraburgimin për të gjithë të dyshuarit”, thuhet në njoftim.
Ndryshe, SHBA-të dhe Britania e Madhe kanë kërkuar lirimin e menjëhershëm të tre policëve të Kosovës. Ata u kidnapuan të mërkurën, më 14 qershor në territorin e Kosovës.
