Çdo përpjekje për të shkatërruar Rusinë do të sjellë fundin e botës, paralajmëroi udhëheqësi i Kishës Ortodokse Ruse, Patriarku Kirill, raporton Anadolu Agency (AA).
“Sot ka kërcënime të mëdha për botën, për vendin tonë dhe për mbarë njerëzimin”, tha Kirill në një shërbim për Festën e Ujit të Bekuar, festë fetare që përkujton pagëzimin e Jezu Krishtit.
“Dëshira për të mundur Rusinë sot ka marrë forma shumë të rrezikshme. Ne i lutemi Zotit që t’ua kthejë arsyen të çmendurve dhe t’u ndihmojë të kuptojnë se çdo dëshirë për të shkatërruar Rusinë do të thotë fundi i botës”, tha ai.
Ai tha se Rusia ka armë të fuqishme dhe njerëz me dëshirë të fortë për të fituar gjithmonë.
“Sot është një kohë shumë shqetësuese, por ne besojmë se Zoti nuk do ta braktisë tokën ruse … se Rusia do të ketë forcën … për të mbrojtur tokën dhe popullin e saj”, tha Kirill.
