Ushtria izraelite kreu shkelje të reja të armëpushimit në Rripin e Gazës të hënën, duke kryer shpërthime, bombardime dhe të shtëna me armë zjarri në zonat nën kontrollin e saj, sipas burimeve lokale, raporton Anadolu.
Marrëveshja e armëpushimit, e cila hyri në fuqi më 10 tetor, i dha fund luftës gjenocidale izraelite që nga tetori 2023, e cila la më shumë se 70.000 njerëz të vrarë dhe mbi 171.000 të plagosur.
Forcat izraelite shpërthyen ndërtesa banimi në pjesën perëndimore të qytetit Rafah, një zonë plotësisht nën kontrollin e tyre sipas kushteve të armëpushimit, dhe hapën zjarr në lindje të qytetit, thanë burimet lokale për Anadolu.
Ushtria izraelit kreu sulme me artileri dhe helikopterë në lindje të Khan Younis, gjithashtu brenda zonave nën kontrollin e saj.
Izraeli ka kryer qindra shkelje të armëpushimit, duke vrarë 373 palestinezë dhe duke plagosur 970 të tjerë, sipas zyrës së medias në Gaza.
Që nga tetori 2023, Izraeli ka vrarë më shumë se 70.000 njerëz, kryesisht gra dhe fëmijë, dhe ka plagosur mbi 171.000 të tjerë në Gaza.
