Pas valës së re të koronavirusit, Pekini vendosi që të shpërndajë ilaçin Paxlovid të prodhuar nga Pfizer, për të luftuar pandeminë.
Shërbimi shtetëror i lajmeve kineze raportoi të hënën se pas marrjes së trajnimit, mjekët e komunitetit do t’ua japin ilaçin pacientëve të infektuar dhe do të japin udhëzime se si t’i përdorin ato.
“Ne kemi marrë njoftimin nga zyrtarët, por nuk është e qartë se kur do të mbërrijnë barnat,” – tha një prej zyrtarëve të shëndetit.
Paxlovid mbetet i vetmi ilaç i huaj për trajtimin e Covid-it që është miratuar nga rregullatori i Kinës për përdorim kombëtar, por aksesi është jashtëzakonisht i vështirë për t’u arritur.
Azvudine, një ilaç oral i zhvilluar nga China’s Genuine Biotech, është miratuar gjithashtu.
Pas gati tre vitesh bllokime, karantina dhe testime masive, Kina braktisi papritmas politikën e saj zero-Covid këtë muaj pas protestave mbarëkombëtare për numrin e saj të rëndë ekonomik dhe social.
