Ministria e Punëve të Brendshme ka njoftuar se gjatë muajit korrik lidhur me incidentet e të shtënave me armë në ahengje, Policia e Kosovës ka pranuar 53 raportime nga qytetarët.
Sipas njoftimit të Ministrisë për këto incidente janë hapur 55 raste, janë konfiskuar 46 armë, 472 municione, janë arrestuar 42 persona dhe është raportuar se një person është plagosur.
Në njoftimin e Ministrisë thuhet se bashkëpunimi është thelbësor në parandalimin e tragjedive që mund të shkaktohen nga gjuajtjet me armë zjarri.
Gjithashtu qytetarëve u bëhet thirrje që t’i raportojnë këto raste në Polici.
