Ilaçet dhe ushqimi i duhur janë plotësues në luftën kundër hipertensionit. Në fazat e hershme të këtij çrregullimi, por edhe në fazat e mëvonshme, ushqimi i duhur mund të ndihmojë në mbajtjen nën kontroll të presionit të gjakut dhe rreziqeve që lidhen me to.
Rreziqet që lidhen me hipertensionin
Presioni i gjakut është faktori kryesor i rrezikut për goditje në tru, infarkt miokardi, sëmundje arteriale periferike, insuficiencë renale kronike dhe retinopati. Sa më i lartë të jetë presioni, aq më i madh është rreziku për t’u sëmurur.
Vlerësohet se 90-95% e rasteve të presionit të lartë të gjakut janë për shkak të ushqyerjes së dobët, mbipeshës, obezitetit dhe aktivitetit të dobët fizik, ndërsa vetëm 5-10% e rasteve të hipertensionit lidhen me një sëmundje të sistemit endokrin, veshkave apo marrjes së medikamenteve. Kjo është arsyeja pse përmirësimi i mënyrës së jetesës në përgjithësi mund të jetë një ndihmë në parandalimin ose luftimin e hipertensionit.
Ushqimet për të luftuar hipertensionin
Rregulli i parë themelor për të luftuar hipertensionin është kufizimi i konsumit të kripës, duke favorizuar përdorimin e bimëve aromatike dhe erëzave. Megjithatë është e nevojshme të përmirësohet ushqimi i përgjithshëm, mënyra e jetesës, të kryeni rregullisht aktivitet fizik dhe të shmangni duhanin. Një dietë e shëndetshme është hapi i parë i nevojshëm për të ndihmuar në parandalimin e shfaqjes dhe përparimit të këtij fenomeni. Nuk ka shkurtesa apo formula magjike, por disa ushqime mund të ndihmojnë në luftimin e tij.
Ja cilat janë ushqimet që ju ndihmojnë të luftoni tensionin e lartë:
Manaferrat e kuqe
Boronicat, luleshtrydhet dhe mjedrat janë të pasura me flavonoide, përdorimi i të cilave ndihmon në parandalimin e zhvillimit të hipertensionit dhe uljen e presionit të gjakut.
Bananet
Ato janë të pasura me kalium, efektive në kontrollin e hipertensionit. Ky element zhvendos natriumin, zvogëlon sasinë e ujit në trup dhe ul presionin e gjakut.
Hudhra
Kontribuon në rritjen e oksidit nitrik në trup, i cili ndihmon në stimulimin e zgjerimit të arterieve, duke ulur kështu presionin e gjakut.
Çokollatë e zezë
Një studim i vitit 2015 tregoi se njerëzit që konsumojnë çokollatë të zezë kanë më pak rrezik për sëmundje kardiovaskulare. Mos harroni se çokollata nuk duhet të përmbajë sheqer.
Perime me gjethe jeshile
Siç është përmendur tashmë, kaliumi ndihmon në luftimin e natriumit të tepërt në trup duke ulur presionin e gjakut. Burimet kryesore të këtij komponenti janë: spinaqi, lakra, rrepa, drithi.
