Parlamenti finlandez zgjodhi kryeministër Petteri Orpon, kreun e Partisë së Koalicionit Kombëtar, e cila zhvilloi negociatat për koalicion pasi fitoi zgjedhjet e përgjithshme, transmeton Anadolu.
Në një deklaratë me shkrim nga Parlamenti finlandez, theksohet se Orpo u zgjodh kryeministër me 107 vota pro dhe 81 kundër.
Sipas procedurës, rezultati i votimit do të dërgohet te presidenti Sauli Niinistö.
Në deklaratë, ku theksohet se Orpo shërben si deputet që nga viti 2007, thuhet: “Orpo ka qenë kryetar i Partisë së Koalicionit Kombëtar që nga viti 2016. Presidenti Sauli Niinistö sot do të emërojë kryeministrin dhe qeverinë e re”.
Në Finlandë, qeveria e re do të ketë gjithsej 19 ministra, 8 nga Partia e Koalicionit Kombëtar, 7 nga Partia Finns, dhe 4 nga Partia Popullore Suedeze dhe Partia Kristian-Demokrate.
