Policia e Kosovës ka shpallur në kërkim të dyshuarin Faton Hajrizi, i cili është arratisur nga Qendra korrektuese në Smrekovnicë të Vushtrrisë.
Në këtë qendër, Hajrizi ka qenë duke vuajtur dënimin për disa vepra penale, shkruan Indeksonline.
39-vjeçari u arratis mëngjesin e sotëm, teksa policia kërkon bashkëpunimin e qytetarëve për të gjetur dhe kapur të dyshuarin.
Ky është njoftimi i plotë i policisë:
Policia e Kosovës-Drejtoria Rajonale e Policisë në Mitrovicën e Jugut, me autorizimin të prokurorit të Prokurorisë Themelore në Mitrovicë, është autorizuar të publikoj fotografinë e të arratisurit të poshtë shënuar me shpresë se në bashkëpunim me mediat dhe qytetarët do të bëhet e mundur lokalizimi dhe arrestimi i personit të shpallur në kërkim.
Personi i shpallur në kërkim Faton Hajrizi, sot me datën 06.07.2024, është raportuar se është arratisur nga Qendra Korrektuese në Smrekovnicë të Vushtrrisë.
Emri: Faton
Mbiemri: Hajrizi
Nofka
Emri i babait: Mustafë
Data e lindjes: 06.02.1985
Vendi i lindjes: Skenderaj
Vendbanimi: Fshati Klinë e Poshtme, Skenderaj
Gjinia: M
Ngjyra e flokëve: Zezë
Ngjyra e syve: Kaltër
Nacionaliteti: Shqiptar
Policia e Kosovës kërkon nga qytetarët e Republikës së Kosovës që për çdo informatë që ndërlidhet me personin në kërkim apo vendndodhjen e tije, të lajmëroj Policinë e Kosovës .
Informatat për personin në kërkim, mund të dërgoni në Stacionin Policor me të afërt, përmes telefonit apo edhe përmes aplikacionit ,,Lajmëro Policinë”.
Numrat e telefonit dhe adresat elektronike kontaktuese për të kontaktuar Policinë e Kosovës:
– 192
– +383 (0)28 532 366-Drejtoria Rajonale Mitrovicë Jugu
– 044/355 108
– E-mail adresa: info@kosovopolice.com
