Policia e Kosovës ka shtuar numrin e zyrtarëve policorë në pjesën ku po qëndrojnë protestuesit serbë në Shtërpcë.
Rruga atje është bllokuar nga protestuesit, raporton Teve1.info
Kjo pas rastit të plagosjes së dy të rinjve të premten në fshatin Drajkovc të Shtërpcës.
Policia e Kosovës ka njoftuar sot se dy qytetarët në Shtërpcë, njëri 11 e tjetri 21 vjeç, u plagosen nga një veturë në lëvizje. Policia shumë shpejt arrestoi të dyshuarin, i cili është pjesëtar i Forcës së Sigurisë së Kosovës. Për rastin kanë reaguar edhe krerët institucional, teksa dënuan sulmin. Po ashtu për rastin reagoi edhe komisioneri për Fqinjësi dhe Zgjerim në Bashkimin Evropian, Oliver Varhelyi, ku tha se i beson hetimit të autoriteteve të Kosovës.
