Balotazhi dyditor për presidencën e Republikës Çeke fillon sot, me ish-gjeneralin e NATO-s, Petr Pavel, përballë Andrej Babis, një ish-kryeministër populist miliarder.
Qendrat e votimit do të hapen në orën 14:00, me rreth 8,3 milionë persona që kanë të drejtë të votojnë.
Në Republikën Çeke, roli i kreut të shtetit është kryesisht ceremonial, por presidenti emëron qeverinë dhe është Komandant i Përgjithshëm i Forcave të Armatosura.
Rezultati i votimit pritet të shtunën në mbrëmje.
Çështja dominuese në fushatën zgjedhore është lufta ruse kundër Ukrainës.
68-vjeçari Babis u përpoq ta portretizonte kundërshtarin e tij si një luftënxitës dhe avokoi për një konferencë paqeje që do të mbahej në Pragë.
Pavel, i cili është 61 vjeç, mbrojti dërgimin e ndihmës në Kiev.
Të dy ishin pothuajse të barabartë, secili me rreth 35% të votave, në raundin e parë të votimit dy javë më parë.
Megjithatë, sondazhet e fundit parashikojnë një fitore për Pavel. /atsh
